where devotion to our Lady of the Most Holy Rosary blooms.
Sunday, June 16, 2013
Saturday, April 27, 2013
Saturday, March 9, 2013
Saturday, January 26, 2013
Isabuhay ang bibliya!
ni Sis. Lynda Asis, Bible Apostolate Coordinator
Bakit kailangan basahin ang Bibliya?
Ang salitang “bibliya” ay nanggaling sa latin “Biblia” ibig sabihin, “aklat”; ang salitang latin ay nanggaling naman sa salitang griego “Biblia” ibig sabihin “mga aklat” kaya ang Bibliya ay nangangahulugang “aklat ng mga aklat” o katipunan ng mga aklat at kasulatan. Ang mga sinulat ng mga ebanghelista ay tiyak na salita ng Diyos at insperasyong galing sa Diyos. Kaya ang nilalaman nito ay angkop sa nangyari noon, nangyayari ngayon, at mangyayari bukas. Kumpleto ang nilalaman nito - mga dasal, awit, tula at kasaysayan. Kung tayo ay nagbabasa ng bibliya, ang Diyos ang kumakausap sa atin.
Bakit kailangan basahin ang bibliya? Para sa akin, ito ang mga dahilan:
Una, paggising sa umaga, kasama sa morning prayer ko ang basahin ang gospel for the day. Ito ang nagiging gabay ko sa maghapon, pinagninilayan bago matulog sa gabi, at ito pa rin ang basehan ko kung sinusunod ko ang kalooban ng Diyos batay sa mensahe Niya sa araw na iyon.
Ikalawa, kung mayroon ako pinagdaraanan, may problema, malungkot, may galit sa dibdib, pag nagbuklat ako ng bibliya (bible cutting) tiyak mapapayapa ako. May mensahe na tutugma sa problema. Ang isang talata kahit isang beses ko nabasa, iba’t-ibang ang mensahe na tinatanggap ko, pakiwari ko, depende sa pangangailangan ko sa oras na iyon.
Ikatlo, binago ako sa aking pagbabasa araw-araw na pinalalim naman ng homily ng pari. Nag-iiba ang pananaw ko sa kapaligiran. Naiintindihan ko na mas mahalaga ang kalooban ng Diyos kaysa sasabihin ng tao. If I am persecuted, hindi ako nag-iisa, dalawa kami dahil kasama ko ang Diyos na nananahan sa akin.
Ano ang mga epekto nito sa buhay ako? Lalo ako naging masigla; naaalagaan ko ang aking sarili para magampanan ko ang misyon ng Diyos sa akin; nadagdagan ang kaalaman ko sa kadakilaan, kahalagahan at pagmamahal sa akin ng Diyos; kahit ako makasalanan, kahit ilan beses ako tumalikod sa Kanya, lagi ako pinatatawad sa aking pagsuway pag ako’y nagsisisi; at tumitibay ang paninindigan ko sa buhay. Pag may dalahin sa dibdib, pagtingin ko sa krusipeho, nakikita ko ang letrang “T.Y.”. Salamat Panginoon sa pagmamahal mo, wala sa kalingkingan itong dinaranas ko kumpara sa dinanas Mo. Hindi man ako karapat-dapat, patuloy mo akong minahal at inaalagaan. Naging positibo ang tingin ko sa buhay dahil ang Diyos na kasama ko ay mas makapangyarihan kaysa anumang pagsubok.
Kung hindi niyo pa nasusubukan, umpisahan nyo na magbasa araw-araw ng bibliya. Makikita at madarama nyo ang malaking pagbabago sa buhay niyo.
Sunday, January 6, 2013
Tutulan ang RH law
Ayon sa pinakahuling ulat, naipasa na ng “bicameral committee” ang RH Bill; ito na ngayo’y napirmahan ng Presidente Noynoy Aquino upang maging batas na kailangang pairalin sa bansa.
Ngunit para sa Simbahang Katoliko, hindi maaaring katanggap-tanggap ang mga panukala roon kahit ito pa’y inamyendahan ng mga mambabatas. Ang bawat katagang tulad ng “Reproductive health care”, “safe sex”, at iba pa ay mga badyang pangpalubagloob sa mga katotohanang “Population control”, “contraceptives”, at “abortion” na laganap na kahulugan sa buong mundo.
Nilagay na sa hukay ang hindi malutas na pinagdebatihan ng mga kongresista tulad ng kung kailan nagsisimula ang buhay at ikalawa’y ang sagradong kapangyarihan ng mga magulang sa paghubog ng kanilang mga anak, lalo na sa sexual na paglaki nito. Batay sa ating Konstitusyon, “Kinikilala ng Estado ang kabanalan ng buhay pampa-milya at ipagtatanggol at palalakasin ang pamilya bilang isang batayang institusyong panlipunan na may karapatang itaguyod ang sarili. Ipagsasanggalang din nito ang buhay ng ina at ang buhay ng di pa isinisilang mula nang ito ay ipaglihi.” (Art II, Seksyon 12)
Ayon sa mga experto, ang mga contraceptives ay hindi lamang panghadlang ng pagkikita ng itlog at esperma kundi pagpapalaglag ng buhay na nabuo bago mapunta ito sa sinapupunan ng ina.
Dalawang bagay na ang binibigyang-diin ng Simbahan ukol sa RH bill, “na hindi lamang usaping pang-Katoliko kundi matinding paglapastangan sa mga tunay na pinahahalagahan ng tao at ng kulturang Pilipino ukol sa buhay ng tao na ating itinatangi noon pa.”
Una, ang buhay ay pinakasagradong kaloob na pisikal na ibinibigay ng isang tao sa Diyos, ang Maylikha ng buhay. “Ang sagabal na artipisyal upang mahadlangan ang pagbuo at ang pagsilang ng buhay ay maliwanag na lumalabag sa batayang katotohanan hinggil sa buhay ng tao.”
Ikalawa, ang mga magulang, kaisa ng Diyos, ang siyang magdadala ng mga anak sa mundo. “Sila rin ang may pangunahing at di-maaagaw na karapatan at pananagutang kalingain, pangalagaan at hubugin ang kanilang mga anak upang sila’y umunlad bilang mga tao ayon sa kalooban ng Maylikha.” Ang “Sex education” na isusulong sa mga paaralan ay hiwalay sa pangunahing papel ng mga magulang na subayabayan ang paghubog ng kanilang mga anak.
Anuman ang susunod na hakbang ng Simbahan, tulad ng pag-angat ng batas at hamunin ang legalidad nito sa Kataas-taasang Hukuman ng Pilipinas, maaring magpatuloy ang pakikibaka nito laban sa imoral na batas na kontra-buhay, kontra-Pilipino, kontra-mahirap, kontra-bata, at kontra-kababaihan.
Saturday, November 24, 2012
Subscribe to:
Posts (Atom)